Tom Kruz 63 yaşında ata olmaq istəyir - 600 milyon dollarlıq sərvət
Öz qızına illər əvvəl arxa çevirmişdi… 60 yaşdan sonra atalıq yenə ağlına düşüb. Gənc sevgilisindən uşaq istəyir.
Lent.az xarici KİV-ə istinadən xəbər verir ki, magazin dünyası uzun illərdir ürəyi boş qalan məşhur ulduzun yeni sevgisi ilə çalxalanır. Əvvəllər yalnız iş üçün bir araya gəldikləri deyilən iki məşhur aktyor artıq münasibətlərini gizlətmir.
Son bir neçə aydır davamlı birlikdə görüntülənən Hollivudun aksiyon ulduzu Tom Kruz ilə gözəl aktrisa Ana de Armasın eşq yaşadığı üzə çıxmışdı.
Artıq ABŞ-dan çox İngiltərənin Londonda vaxt keçirən Tom Kruz, Ana de Armas-ı hər yerə şəxsi helikopteri ilə aparır. İkili tez-tez parklarda gəzintidə və ya uzun söhbətlərdə görüntülənir. Əvvəllər onların yalnız iş münasibəti olduğu deyilsə də, bir neçə həftə əvvəl xüsusi yaxtada baş-başa günəşlənərkən, son olaraq isə Ana de Armas-ın evinin yaxınlığında əl-ələ tutaraq yaxalanmışdılar.
Getdikcə alovlanan bu eşqin artıq ciddi olduğu və Tom Kruzun uzun illərdir axtardığı münasibəti tapdığı iddia edilir. 63 yaşlı Kruz və 37 yaşlı Ana de Armas cəmi səkkiz aydır bir yerdədirlər, amma dostlarının dediyinə görə, cütlük İngiltərə kəndlərində "saray kimi" malikanə axtarır və evlilik, övlad sahibi olmaq barədə danışır.
Ana de Armas çox əvvəl böyük şəhərin qarışıqlığından qaçaraq Vermonta köçmüşdü. Təbiətlə iç-içə yaşamağı sevən aktrisa eyni üslubda bir həyat istədiyi üçün Tom Kruz da sevgilisinin ürəyincə bir ev tapmaq axtarışına girib. Cütlük yeni evləri üçün həm məkan, həm də mebel axtarmağa artıq başlayıb.
Tom Kruzun yenidən ata olmaq istədiyini hər fürsətdə dilə gətirdiyi, Ana de Armas-a bu qədər tez bağlanmasının səbəbinin də bu arzunu tezliklə həyata keçirmək istəyi olduğu deyilir. Hətta məşhur aktyor növbəti doğum gününə qədər, yəni 64 yaşına çatmadan bir daha atalıq sevinci yaşamaq istəyir. Ana de Armasın da uşaq fikrinə müsbət yanaşdığı bildirilir. Məşhur aktrisa daha əvvəl qısa, amma çox danışılan bir münasibəti Ben Affleck-lə yaşamış, şayiələrə görə bu münasibət onun uşaq istəyi səbəbindən bitmişdi.
Təxmin edilən sərvəti 600 milyon dollar olan Kruz, 2015-ci ildə Sussexdəki "Rede Place" malikanəsini satandan sonra Londondakı Hyde Parkda çatı mənzili ilə Floridadakı Clearwater-da lüks bir mənzil arasında yaşamını sürdürürdü. İndi isə evlənib ailə qurmaq istədiyi üçün daha böyük, malikanə tipli bir ev axtardığı bildirilir.
Azadlığına çox bağlı olduğu deyilən və əslində evlilik barədə düşünməyən Ana de Armas da bu münasibətdə özünü xoşbəxt, rahat və güvəndə hiss edir və ailə qurmaq fikrinə isti yanaşır.
Tom Kruzun Nicole Kidman ilə evliliyindən övladlığa götürülmüş iki övladı var: Connor (30) və Bella (32). Onlarla əlaqə saxlayan aktyor, 2012-ci ildə boşandığı Katie Holmes-dan dünyaya gələn 19 yaşlı bioloji qızı Suri ilə isə illərdir nə görüşüb, nə də maraqlanıb.
Hətta bu davranışı onu öz sadiq pərəstişkarlarının belə tənqidlərinə tuş gətirib.
Tom Kruz illər ərzində Sientologiya Kilsəsinin ən nüfuzlu üzvlərindən birinə çevrilib. Onun qızı ilə görüşməməsinin səbəbi də məhz bu təriqətə bağlanması ilə izah olunur.
Kruz keçmiş həyat yoldaşı Katie Holmes-u və təbii ki, qızı Suri-ni də bu təriqətə daxil etmək istəyib, amma Holmes buna sərt şəkildə qarşı çıxınca aktyor qızına arxa çevirib və onu həyatından silib.
Məşhur aktyora yaxın mənbələr onun bir övlad daha istəməsinin səbəbini belə izah edirlər:
"Tom, Suri-dən illərdir uzaq qaldığı üçün çox kədərlidir və Ana ilə bir ailə qurmaq, ata olmaq istəyini keçmişdə yaşadığı pis karmaları düzəltməyin bir yolu kimi görür."
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş