Həyatını təhlükəyə atan piyada öldü - Anbaan video

Daxili İşlər Nazirliyinin Nəqliyyatı İntellektual İdarəetmə Mərkəzi iyunun 6-sı Sabunçu rayonunda baş vermiş ağır yol-nəqliyyat hadisəsinin görüntülərini yayıb.

"Qafqazinfo" xəbər verir ki, piyada keçidinin yaxınlığında çoxzolaqlı yolu keçməyə çalışan şəxsin hadisə yerində öldüyü bildirilib.

Heydər Əliyev prospektinin "Sabunçu körpüsü" adlanan ərazidən keçən hissəsindəki qəza zamanı piyadanın həyatını təhlükəyə atdığı məlum olub.

"Piyadalar keçidlərin yaxınlığında, xüsusilə də çoxzolaqlı yolu keçməyə çalışdıqda təəssüflər olsun ki, əksər hallarda nəticəsi bu cür olur. Buna görə də onlar məsuliyyətli və diqqətli olmalı, yolu yalnız keçidlərdən istifadə etməklə keçməlidirlər.

Sürücülər isə sükan arxasında yola diqqət yetirməli, sürət həddinə əməl etməlidirlər", - qurumun müraciətində vurğulanıb.

Hadisə anının görüntülərini təqdim edirik:

Sonxeber.az
Telegramda izləyin
Şikayətiniz varsa Whatsapp: 077 7125666

Facebookda Paylaş